Eke maskeyê gazî bibîyêne, gerîlayê ke bi çekanê kîmyewîyan ameyî qetilkerdene xo xelisnayêne.

Mîyanê nê hacetan de maskeyê gazî, oksîjen û tupê helmgirewtişî est bîyî. Bi vateyêkê bînî hacetê ciwîyayîşî yê ke gerîlayan seba pawitişê vera gazanê kîmyewîyan şuxilnayêne.

Dewleta tirke seba ke vera gerîlayan netîce bigêra pêro qanûnanê xo û peymananê mîyanneteweyîyan binpay kena û pêro îmkananê destê xo zî şuxilnena.

Sucê şerî û sucê vera merdimîye yê dewleta tirke her roje dewam kenê. Dezgehê mîyanneteweyî vera nê sucan bêveng manenê û benê hemkarê nê sûcan.

Goreyê HPGyî dewleta tirke çekê qedexeyî 14ê nîsane ra heta 14ê teşrîna verêne bi hezaran reyî şuxilnayî.

Merkezê Îrtîbatî û Çapemenîye yê HPGyî (HPG-BÎM) vat: “Tunel û çeperê şerî yê hêzanê ma 2476 reyî bi bombayanê qedexekerdeyan (bombaya fosfor, termobarîk û nuklere ya taktîkî) û çekanê kîmyewîyan dîyayî bombayan ver.”

Derheqê şuxilîyayîşê çekanê kîmyewîyan de xeylêk dîmen û belgeyî weşanîyayî. Rixmê ney zî selahîyetdaranê dewleta tirke hêrişê kîmyewî red kerdî û vat nê hêrişî ‘îftîra, bêbinge û neraşt ê.’

Hetê bînî ra Wezîrîya Pawitişî ya Tirkîya zî seba ke artêşa xo biwesifna hacetê ke vistbî destî weşanayî. Mîyanê nê hacetan de maskeyê gazî, oksîjen û tupê helmgirewtişî est bîyî. Bi vateyêkê bînî hacetê ciwîyayîşî yê ke gerîlayan seba pawitişê vera gazanê kîmyewîyan şuxilnayêne.

Hêzanê PDKyî zî sey artêşa îşxalkere dest nabî xeylêk maskeyanê gazî yê ke  gerîlayan rê şawîyayêne ser û dîmenê înan weşanabî.