Koçberanê Efrînî Heleb de serrgêra 5. ya îşxalî de çalakîya rayraşîyayîşî kerde û mesajê agêrayîşî da.
Heleb de bi hezaran koçberanê Efrînî serrgêra 5. ya îşxalê Efrînî de çalakîya rayraşîyayîşî kerde û mesajê agêrayîşê Efrînî da. Rayraşîyayîş de fotografê şehîdan û pankartê sey “Agêrayîş sondê ma yo” ameyî akerdene û sloganî ameyî vatene.
Rayraşîyayîş de Endama Komîteya Têkilîyan a Kongreya Starî Nêrgiz Bekîre qisey kerd. Nêrgize pare kerd ke çeka xelisnayîşê Efrînî dewamê xeta xoverdayîş û têkoşînî yo. Nêrgize vat: “Çew nêeşkeno şorişê ma çin bikero. Bi îradeyê şerwanan ma do ser bikewê û ma do felsefeya Rayber Apoyî bimojnê pêro dinya.”
Endamê Komîteya Meclîsê Rîsipîyan Şêx Elî El Hesenî zî îfade kerd ke ê bi gonîyan şehîdan sond wanenê ke do Efrînî azad bikerê û abigêrê ci.
