Çalakiya Malbata Şenyaşar a li ber Edliyeya Rihayê ji 9’ê adara 2021’î ve didome. Nobeda Edaletê ya Malbata Şenyaşar di roja 342’yemîn de li ber edliyê berdewam dike. Ji ber dawiya hefteyê ye malbat li mala xwe ya li Pirsûsê nobeda xwe didomîne.

Malbatê li ser hesabê xwe yê medya dîjîtîla hesabên Waliyê Rihayê Abdullah Erîn û Serdozgerê Komarê yê Rihayê Onder Yenîçerî etîket kir û ev peyam belav kir: “Li Rihayê hêj edalet di binê erdê de ye. Dozger dibêjin, ‘tiştek di destê me de nîne’, Wezîrê Dadê jî dibêje, ‘tenê xemgîn im’. Heke zilm rewa be, li dijî zilmê jî berxwedan maf e.”