Şaredarên ku di çarçoveya lêpirsînan de bi îdiaya “gendelî” ya li dijî Şaredariya Bajarê Mezin a Stenbolê (ÎBB), Şaredariya Beşîktaşê û Şaredariya Buyukçekmece hatibûn desteserkirin û piştre hatibûn girtin, ji peywirê hatin dûrxistin.
Şaredarên ku ji erka xwe hatine dûrxistin ev in: Şaredara Avcilarê Ûtkû Camer Çaykara, Şaredarê Buyukçekmeceyê Hasan Akgun, Şaredarê Gazîosmanpaşayê Hakan Bahçetepe, Şaredarê Ceyhanê Kadîr Aydar, Şaredara Seyhanê Oya Tekîn. Li gel van 5 şaredaran hejmara şaredarên CHPyî yên ji erka xwe hatine dûrxistin, gihîşt 11an.
Beriya wê jî tevî ku Şaredarê Esenyurtê Ahmet Ozer û Şaredarê Şîşliyê Resûl Emrah Şahan ên CHPyî di çarçoveya ‘’Lihevkirina Bajêr’’ de hatibûn hilbijartin jî ji erka xwe hatibûn dûrxistin û li şûna wan qeyûm hatibû tayînkirin.
Şaredarên din ên CHPyî yên ji erka xwe hatine dûrxistin ev in: Serokê ÎBBê Ekrem Îmamoglû, Şaredarê Beşîktaşê Riza Akpolat, Şaredarê Beykozê Alaattîn Koseler û Şaredarê Beylîkduzuyê Mehmet Mûrat Çalik.
