Hejmara heştan a kovara ‘Berxwedan Jiyan e’ ya Federasyona Gaziyên Bakur û Rojhilatê Sûriyeyê bi şîara “Şehîdên me soza me ya rûmet û mirovatiyê ne” derket.
Di kovara her du mehan carekê bi zimanê kurdî û erebî tê weşandin de nirxandinên Rêberê Gelê Kurd Abdullah Ocalan, kar û xebatên gaziyên şer, nivîsên îdeolojîk, teorîk û siyasî cih digirin.
Di berga kovarê de wiha tê gotin, “Îro hê zêdetir hatiye dîtin û fêmkirin ku Şoreşa Bakur û Rojhilatê Sûriyeyê rê dide ber mirovatiya azadîxwaz û ji bo jiyana bi sedê salan mirov bi hesreta wê ne model û mînakeke herî bi qîmet û pîroz e. Ev helbet nîşan dide bê bîrdozî, felsefe û ramanên Rêber Apo ji bo jiyana azad û wekhev a gelan çiqasî pêwîst in. Lewma ya dikeve ser milên me ew e, em şoreşa bi xwîna hezaran şehîdan û berdêlên giranbiha yên gaziyên şer ava bûye heya dawiyê biparêzin.”
