Hejmara duyemîn a kovara Temaşeyê derket. Kovar bi awayekî online derdikeve û bi giştî sînemayê, bi taybetî jî  der barê sînemaya kurdî de nivîs û agahiyan parve dike.

Kovara Temaşeyê kovareke demsalî ye û her sê mehan carekê derdikeve. Di kovarê de çend gotarên der barê sînemayê bi zaravayê soranî jî cih digirin.

Di hejmara duyemîn a kovarê de hevpeyvînek der barê 10’emîn Festîvala Fîlmên Kurdî ya Berlînê de heye. Her wiha gotarek li ser sînemaya Yilmaz Guney bi sernavê ‘Di Sînemaya Yilmaz Guney û Jean-Luc Godard De Mijara Netewperweriyê’ cih digire. Nivîsek din jî bi sernavê ‘Sînemaya Neteweke Bêdewlet’ di vê hejmarê de heye û her wiha gelek mijarên din ên têkildarî sînemayê bi hezkiriyên sînema û xwînerên xwe re parve dike.  AMED