Kovara hunerî, çandî û lêkolînî ya kurdên Anatoliya Navîn ku wekî kovara demsalî weşana xwe didomîne hejmara xwe ya 91emîn çap kir.
Kovara Bîrnebûnê di beşa nivîsa edîtor de ji bo vê hejmarê wiha dibê: “Li welêt dîsan dest bi qeyûman hatiye kirin. Li hinek şaredariyên ku kurd hatibûn hilbijartin ji aliyê dewletê ve bi zorê dest dan ser. Di şûna wan de qeyûm hatine tayînkirin. Ev şaredarên ku bi raya xelkê hatibûn hilbijartin jî hatine girtin. Di aliyekê de dewlet erîş dibe ser kurdan, di aliyekî din de jî behsa prosesa ‘lihevhatinê’ dikin!”
Her wiha di vê hejmarê de kesên wek Temûrê Xelîl, Xoyretînê Mihemedî Seîd, Mem Xelikan, Prof. Hecî Akman, Hizir Akbîna, Bêrîvan Keskîn, Ahmad Barbar, Rojvan Enes, Dr. Mîkalî, Seyfî Dogan, Hemo Celîkan, Bîlal Çelebî, Xîzan Şîlan, Adem Ozgur, Muzaffer Ozgur, Stîfelsên Kan, Siya Jandar û Sîphiye Butor bi nivîs, lêkolîn, helbes û hevpeyvînên xwe cih digirin.
