Komîsyonê Huqûqî yê HDPyî pawitişê xo yê serê delîlanê îlaweyan teslîmê Mehkemeya Qanûnê Bingeyî kerd.
Komîsyonê Huqûqî yê HDPyî pawitişê xo yê serê delîlanê îlaweyan çarçewa dewaya qefilnayîşî de teslîmê Mehkemeya Qanûnê Bingeyî kerd. Endamanê Komîsyonî Kenan Maçoglu, Mavîş Aydin û Sîpan Cizrelî pawitişê partîye berd mehkeme. Mîyanê delîlan de seba ke tehqîqatê serê Parlamentere Semra Guzele û Parlamenter Behçet Yildirimî zî estê, mîyanê partîye de pawitişê derheqê înan de zî estê.
Pawitişê 13 rîpelî de ercnayîşê serê îtîrazê seba usûlî, îçtîhadê Mehkemeya Berze û cigêrayîş û fezlekeyî ca gênê. Pawitiş de bêhuqûqîyê tehqîqatê vera Semra Guzele û Behçet Yildirimî zî yenê îfadekerdene.
HDPyî pawitiş de pare kerdo ke qeydê vengî yê bi kurdkî yê ke sey CDyî erşawîyayê, deşîfrasyonê ci yê bi tirkî teblîxê HDPyî nêame kerdene.
Goreyê agahîyan wird CDyê ke Serdozgerîya Komare ya Mehkemeya Berze sey delîlan pêşkêş kerdê, tede 281 qeydê vengî estê.
