Heyetê Rayberdişê Merkezî yê HDPyî serrgêra 6. ya Qirkerdişê Garê Anqarayî de bi eşkerayîyêke qurbanî yad kerdî

Partîya Demokratîke ya Şaran (HDP) vist vîrî ke 10ê Teşrîna Verêne ya 2015î de Garê Anqara de 103 kesî ameyî qetilkerdene û 419 kesî zî birîndar bîyî. HDPyî vat: ”No qirkerdiş vera waştişê azadîye, demokrasî, haştîye û çareserîye ame kerdene. Ma kiştoxanê raştikênan û taşeronan hol şinasnenê. Nê kiştoxan nawnayîşê ma yê Amedî ra heta raywananê Pirsûs û Dîlokî hêrişê dawetî kerd. Her çiqas no hêriş pê destê DAIŞî zî ame kerdene zî mesuldarê raştikênî yê nê hêrişî dişmenê demokrasî û haştîye yê.

Rixmê qirkerdişanê pêroyînan zî polîtîkayê tarîtîye qedîyenê. Ma têkoşînê xo de israr kerd, ma waranê xo yê cuye ra xo dûrî nêgirewt, ma rayîr nêda xizmetê tarîtîye. Sere de şehîdanê 10ê Teşrîna Verêne rê, ma soz danê pêro şehîdan ke ma do wayîrê waştişê înan ê haştîye vejîyê, têkoşînî pîl bikerê. Heta ke ma mesuldaranê raştikênan ê nê qirkerdişan ra hesab bipersê ma do rayîrê xo rê dewam bikerê. Haştîye, azadîye û demokrasî do pê têkoşînê ma bêrê caardene.”