Ma do hîna bi hêzî bêrê ke ê do nêzanê biremê kamca. Ma do bi têkoşînê rêxistinkerdeyî şaredarîyanê xo apey bigêrê.”

Hemsereka Pêroyî ya DEM Partî Tulay Hatîmogullari dewa Xincikî ya Êlihî de şarî reyde ameye têhet. Şarî bi coş û sloganan hemsereke û heyetê ci pêşwazî kerd.

Dima hemsereke qezaya Heskîfî de dikanî zîyaret kerdî û goş na meseleyanê şarî ser.

Heyet dima qezaya Kercewsî de tewrê kombîyayîşê şarî bî.

Hemsereka Pêroyî ya DEM Partî Tulay Hatîmogullari tîya de qisey kerd û pare kerd ke înan lez dayo xebatanê xo yê weçînayîşan. Hatîmogullariye wina vat: “Ma her ca de ferasetê qeyûman teşhîr kenê. Ma do hîna bi hêzî bêrê ke qeyûmî do nêzanê biremê kamca. Ma do bi têkoşînê rêxistinkerdeyî şaredarîyanê xo apey bigêrê. Ma do pêro şaredarîyanê xo de kar û xebatanê xo bi kurdkî bikerê. Ma do ancî Kercews de peykerê Cigerxwinî ronê. Ma do temsîlîya têdûşte bîyarê ca û pîya vajê ‘Jin, Jiyan, Azadî.’ Ma do 31ê adare de govenda serkewtişî bigêrê.”

Dima Tulaye Hatîmogullari şarî reyde govende girewte.