Qezaya Defne ya Hatayî de taxanê Armutlu û Gazî de binê xirban ra 8 cenazayî ameyî vetene.
Rixmo ke erdlerzî ra dima 58 rojî derbas bîyî, hema zî binê xirban ra cenazayî yenê vetene. Qezaya Defne ya Hatayî de taxa Armutlu de vizêrî apartmanê bi nameyê Mehmet Akbayî de cenazaya camêrdêkê bi nameyê Şefîk ameye vetene. Oncîna eynî apartmanî ra ohet bînayêke de cinîya bi nameyê Zelîf Karataşe ameye vetene.
Taxa Gazî de kuçeyê Çîçekî de wedarnayîşê xirban ê ke dewam kenê de bînayêka kane de 6 cenazayî ameyî vetene. Ame zanayene ke nê cenazayî aîdê bextwaştoxanê sûrîyeyijan ê. Yeno dîyarkerdene ke her 2 taxan de hema zî binê xirban de cenazayî estê.
