Ravêrayîşê se serran ra tarixê Rojhelatê Mîyanênî de qirkerdişê Halepçeyî sey qirkerdişo en gird yeno zanayîş. Helepçe de êrîş û kîmyasal eştişê dewleta İrakî ra dima bi hezeran kesê sivîlî cuyê xo vinî kerdî. No êrîş seba ke, Hikûmatê Sadam Huseyînî vera Îranî ra şer destpê kerd û nê heme qewmîyayîşê qesasî ra vejîya raşte.
Şerkerdişê Îranî û İrakî de Sadam Huseyîn 1986-1988 de vakurê İrakî ra galakerdişê kurdan keno.
No hareketê galakerdiş zî Bi nameyê hareketê El Enfalî yo.
Şarê kurd bi vera zulm û zordareya Sadamî ra serewedaritiş keno.
Mabênê 23ê sibate û 16ê êlula 1988î de zafêrî zî aşma Adare de no zulim beno.
Ordîyê Îranî bi vera İrakî ra yew taruzo gird virazeno û serkewte beno.
Rayberê YNK Celal Talabanî bi quvvetanê xo ordîyê Îranî rey de hemkarey virazeno.
Ordîyê îranî û peşmergeyê YNK’yî pîya kewnê mîyanê nawçeya Helepçe.
Hînê serawedaritiş destpê beno. Sadam Huseyîn vêrnîya averbîyayîşê ordîyê Îranî geno.
Kumutanê vakurê İrakî zî Korgenaral Alî Hasan Al majîd al Tîgrît o. Seba ke kimyasal şixulneno ayera şarê Kurd pira vano kîmyasal Elî.
Teyareyê kimyasalî serê Halepçeyî de gêrenê
16ê Adara 1988 de teyareyê MîG-23 kîmyasal gaza kirêşenê.
Nê teyareyê nawçeya Halepçeyî pê kîmyasal gazî rey de bombardûman kenê.
No eştişê kîmyasal gazî ra goreyê raporan panc hezar kesî ra zêdeyî merdimî cuyê xo vinî kenê. Hewt hezarî ra vêşêr zî birîndar benê No bombadimanî dim ra zî Îran û İrak 19 ê tebaxî de pêameyiş virazenê. Ordîyê İrakî pêameyiş ra panc rojî dimê Halepçeyî apey gêynê. No esnaya apay girotişê Halepçe zi ancî disey kesî cuyê xo vinî kenê. Sera 2004î de berpirsîyarê CİA ya verênê qabê eştişê gazê kîmyasalî ra cigêrîyayîş virazeno. Bi qabê cigêrayîşî ra vano no kîmyasal gaz ê dewleta Îranî yo.
Dinya yew ray de bêveng bêhes mendê
Kamî nê kîmyasalê day Sadam Huseyînî eşkera ya. Heme dewletan paştî day Sadamî.
Emerîkan, Îngîlîtere, Firansa, Rusya pêro ortaxê nê qatlîamî bî. Wexto ke sadamî nê kîmyasalê eşti şarê kurdan ra. Dinya yew ray de bêveng bêhes mendê. Qaşo dinya de şixulnayena sîlahanê kîmyasalan qedexe ya.
Labelê heme dinya vera nê wehşetî seyîrcî mendî. Eştişê kîmyasalî vera heme sivîlan bî.
Bi hezaran gedeyî, domanî, cenî, extîyarî qir bî. Zê nê qirbîyayiş zî dinya de teyna yew nûmûne esta a zî Hîroşoma ya. O wext dinya vera nê wehşetî bêveng û bêhes mendî. Çike Sadamî pey sîlahanê înan no qetlîam kerd. Naye ra hesabê înan nêame. Peyê birîyarê yewbîyayişê Ewropa rey de İrak dagir kerd.
Va “Sadamî de kîmyasal sîlehî estê”. Wexto ke kurdî qir kerdî, o wext la ênî yewbîyayîşî Ewropa kora bî. La mixabin çend serrîyo hema her roj TC verbê gerîlayan sîlehanê kîmyasalan gurênena. Sûrê Amedî de, Cizîr, Nusaybîn de sewbîna cayan de qirkerdişî girdi virazîyay û merdimi ganî ganî veşnayî.
Ancî vengê yewî nêvejîyeno. Neyê wehşetan ra her dewletê berpirsîyara.
Nê suçê şerî ra her kes sûcdar o. Halepçe hema zî dom keno. Vizêr Sadam bi, ewro zî mordemê zê Sadamî serê kurdan de bombeyan varnenê.
