Çavkaniyên herêm diyar kirin ku operasyona li gundê Mizak ê li herêma bakurê rojhilatê Licê didome û herêm 2 roj in tê topbarankirin.
Operasyona leşkerî ya roja 28’ê nîsanê li bejiya gundên Zengesor û Mizak ên li herêma bakurê rojhilatê navçeya Licê ya Amedê, didome. Li gorî çavkaniyên herêmê, ji duh ve bi awayekî zêde herêm tê topbarankirin. Di heman demê de, hat destnîşan kirin ku Balafirên Bêmirov ên Biçek (SÎHA) li ser herêmê difirin û bombebaran dikin.
Hat ragihandin ku li daristanên her du gundan jî yekîneyên leşkerî hatine bicihkirin û operasyona leşkerî ya li herêmê didome.
LICÊ
