Gola Xizirî ya Mazgêrdê Dêrsimî bi rindîya xozaya xo ya bêhempaye bale anjena xo ser. Bitaybetî wisar de derûdorê gole bi vilikanê babûnan xemilîyeno.

Gola Xizirî ya ke dewa Sîndamî ya qezaya Mazgêrdî ya Dêrsimî de ya, bi rindîya xozaya xo ya bêhempaye bale anjena xo ser.

Gola Xizirî ya ke mabênê koyanê berzan ê Mazgêrdî û Koyê Asîl Babayî de ya bi rindîya xo ya bêhempaye hîşê merdimî sereyê ci ra gêna. Gola ke pîya bi qirîncele û babûnan ganîyanê sey ordega serhewze û kerga awe rê zî wayîrîya keyeyî kena, hema hema hendê di waranê futbolî gird a û xorîyîya ci hîrê metre ya. Gola ke bi germayîya wisarî dormeyê ci bi vilikanê babûnan xemilîyayo, kesê ke vînenê ser benê gej.