Gola Sixke ya ke mîyanê sînoranê qezayanê Tûşba û Armûşê yê Wanî de manena poxê qilêrinîya dormeyî huşk bîye.
Hetêk ra krîzê îklîmî, hetekê bînî ra awedayîşê hedravîyartî û polîtîkayanê xeletan ê zîretî golan û çeman de huşkbîyayîş aferna. Tirkîya de 60 serranê pêyenan de kêmî-zêde 70 golê xozayî yê ke hende Gola Wanî yê huşk bîyî. Mîsal serra 2021î de Golanê Karataş, Burdur, Akgol, Işikli, Eber, Akşehîr û Mekke Kraterî de awî ancîyayî û ziwatîye qewimîyaye.
Gola Sixke zî raştê qilêrinîya dormeyî ameye û huşk bîye. Gole de cuya xeylêk heywanan zî nika binê tehlukeyî de ya.
