Ma no bernameyê xo de zî seba şima mijarêka weş û balkêş weçîna. Nika kerem bikerêne ma qala mijara xo bikerî. Mijara ma ya no hewte şarê êzidî û kulturê înan o ke şarêko kehen û qedîman ra yew o. Tarîx ra nata hêzê serdestî xeylê rayan înan ser de fermanan pê ardî ke şopê tarîxî ê kurdan çinî bikerî, labelê rayna zî nêeşkayî no şaro qedîm wertera wedarnî. Êzidîyî rixmê hende hêriş û tedayan rayna zî serranê peyênan de zaf aver şîyî. Nê averşîyayîşî kenê ke êzidîyî xo newe ra bişinasê û bi hawayêko xoser biciwîyê. Çarşema Sûre her roje hîna zêdêr bena roşanê newera afernayîşî û xoverdayîşî. Goreyê bawerîya êzidîyan erdê Kurdîstanî welatê ‘Heqwarî’ yo. Êzidîyî perwerîya kurdan a seba erdê Kurdîstanî pê nê roşanî fîraz kenê ke no zaf ercîyaye yo. Çarşema Sûre pê pawitişê kultur, bawerî û erdê xo, pê nêteriknayîş û agêrayîşê Kurdîstanî yena fîrazkerdiş.