Bi pêşengiya endamên Yekitiya Jinên Ciwan a Kantona Firatê, şêniyên navçeya Sirînê ya kantona Firatê ji bo azadiya fîzîkî ya Rêberê PKK’ê Abdullah Ocalan daketin qadan.
Gel bi dirûşma”Ji Rêber Apo re azadî, ji pirsgirêka Kurd re çareserî” meşiya û wêneyên Rêberê Gelê Kurd Abdullah Ocalan û pankartên “Ciwan fedaî Rêber Apo ne” hildan. Gel bê navber dirûşmên “Bê Serok jiyan nabe” û “Bijî Serok Apo” berzkirin. Meş ji pira Sirînê dest pê kir û li ber avahiya şaredariyê veguherî mîtingê. Li vir berdevka Yekitiya Jinên Ciwan Neda Şahîn axivî û tecrîda li ser Rêber Abdullah Ocalan şermezar kir. Neda Şahîn got: ” Em ê heta dawiyê li ser fikir û felsefeya Rêber Apo bin. Em ê têkoşînê bidomînin heta azadiya fîzîkî ya Rêber Apo misoger bikin.”
Mîtîng bi dirûşman bi daxwaza azadiya fîzîkî ya Rêber Abdullah Ocalan bi dawî bû.
