Zîndanê Bunyanî yê Kayserîyî de gardîyanan tepişte Haşîm Erkol erdî ra kaş kerd û da piro.

Zîndanê Bunyanî yê Kayserîyî de gardîyanan tepişte Haşîm Erkolo ke mengêke verî fitiqî ra amelîyat bîbî pêvînayîşê bi keyeyî ra dima erdî ra kaş kerd û da piro.

Haşîm Erkolî bi telefonî dadîya xo de qisey kerd û aye rê qala serebûtî kerde. Dadîya ey Gurbet Erkole da zanayene ke pêvînayîşê birayê ci ra dima Haşîm Erkol erdî ra ameyo kaşkerdene. Dayîke Gurbete vat: “Lajê mi Haşîmî telefon de vat ke 8ê teşrîna peyêne de pêvînayîşî ra dima gardîyanan o erdî ra kaş kerdo û berdo koxûşî. Gardîyanan ey rê gef wendo. Haşîm mengêke verî amelîyat bîbî. Ma nê zulmî qebul nêkenê.”

Dayîke Gurbete venga rêxistinanê heqanê merdiman û avûkatan da ke wa derheqê babete de bi hîsgerî têbigêrê.