Serekê Pêroyî yê PÎKî Hîkmet Serbilindî îfade kerd ke dewleta tirke armanc kena ke statuyê kurdan çin bikera û wina vat: “Şaro kurd ganî vera ney bi ferasetê neteweyî têbigêro. Kurdan ser o ferz o ke vera hêrişanê îşxalî yê dewleta tirke tewirê xo bimojnê.”

Serbilindî pare kerd ke îqtîdarê AKP-MHPyî bi binkewtişê xo yê weçînayîşan zaf teng bîyo û vat: “Îqtîdar seba ke tesîrê ney bikêmîno şovenîzmî keno. Hetê bînî ra destkewte û sîyasetê kurdan benê xurtêr. Seba çinkerdişê destkewteyanê kurdan îqtîdarî dest pê plananê îşxalî kerd. Nika dewleta tirke hukmatanê Iraqî û Herêma Kurdistanî de bazarîye kena. Şaro kurd ganî vera ney bi ferasetê neteweyî têbigêro. Kurdan ser o ferz o ke vera hêrişanê îşxalî yê dewleta tirke tewirê xo bimojnê. Dewleta tirke tena hêrişê PKKyî nêkena; hêrişê Başûrî kena. Dewleta tirke armanc kena ke statuyê kurdan çin bikera.”

Serbilindî îfade kerd ke dewleta tirke destkewteyanê kurdan seba ameyoxê xo sey tehlukeyî vînena û vat: “Seba ney dewleta tirke mabênê partîyanê kurdan de nîfaqî virazena. Eke partîyê kurdan vera nê hêrişan tewirê hemparî nêmojnê do hesab bidê tarîxî. Partîyê kurdî ganî dîplomasîyêka hempare bikerê. Nê hêrişî teyna vera PKKyî nîyê. Hedefê dewleta tirke pêro destkewteyê kurdan ê. Şaro kurd bi ruhê neteweyî do ser bikewo.”