Sereka Konseya Merkezî ya Yewîya Tabîbanê Tirkan (TTB) Şebnem Korur Fîncanciye zîndanî ra wina veng da: “Ma do têkoşînî rê dewam bikerê.”

Sereka TTByî Fîncanciye seba ke waştbî hêrişê kîmyewîyî bêrê cigêrayene 27ê teşrîna verêne de amebî tepiştene.

Fîncanciye zîndanî ra mesajêk şawit û vat: “Mi tam xo seba eşkerayîyêka zanistî amade kerdêne la wext nêvejîya wa deynê mi bo. Ez wazena ke şima têkoşînê mi rê dewam bikerê. Her çiqas ez mîyanê şima de nîya zî ez bi zerrî û ganî şima hetî de ya.

Cara hewceyê mi bi nefesgirewtişî estbî, wina bihesibînê ke ez kewta tatîl. Cîyabîyayîşê ma zengînîya ma ya. Paştdayîşo ke wextê tepiştişî de şima mojna, eyneyê ney o. Bêmabên bi dostanî û paştdayîşî ma do têkoşînî rê dewam bikerê.”