Şaristanê Frankfurtî yê Almanya de Festîvala Kulturê Kurdan dest pêkerd. Warê festîvale de pankartê “kurdan rê azadî û statu” ame daliqnayene.
Sere de Almanya, Swîs, Belçîka, Îtalya, Awusturya, Hollanda, Swêd û Fransa ra saetanê serê sibayî ra bi hezaran kurdistanijan bi tren, otobus û wesayîtan parka Rebstockî de ameyî têhet. Kurdistanijan bi kincanê xo yê neteweyîyan û flamayanê xo kuçeyê Frankfurtî xemilnayî. Pankartê “Kurdan rê azadî û statu” sehne de ame daliqnayene, warê festîvale de bi seyan fotografê Serekê PKKyî Abdullah Ocalanî ameyî akerdene.
Warê Festîvala ke bi renganê neteweyî yê Kurdistanî xemilîyayo, semedê nasdayîşê kulturê kurdan standî ameyî kerdene û nuştoxî wendoxanê xo reyde yenê têhet.
Festîvala ke bi şîarê ‘Serra 100. ya Lozanî de meseleya kurdan rê çareserîye, Kurdistanî rê statu’ yena kerdene, dîyarîya şehîdanê Qirkerdişê Parisî Evîn Goyî, Mîr Perwer û Abdurrahman Kizilî ameye kerdene.
