Hemsereka Komeleyanê Elewîyan ê Demokratîkan (DAD) Kadrîye Dogane îfade kerd ke dewleta tirke seba cezakerdişê faîlanê Madimakî gamêka cidîye nêerzena.

Kadrîye Dogane îfade kerd ke çîyo ke 2yê temmuza 1993yî de qewimîyabî qirkerdişê elewîyan bîyo. Dogane vist vîrî de tarîxê Komara Tirkîya ya 100 serre de qirkerdişê elewîyan zaf ê. Dogane vat: “Nê qirkerdişî Koçgirî ra dest pêkenê, Dêrsim de dewam kenê û heta Mereş, Çorûm, Sêwas, Kirikhan, Madimak, Gazî û Umraniye dewam kenê. Heta ewro seba cezakerdişê faîlanê Madimakî gamêka cidîye nêerzîyaye. Dewlete waşt ke elewî û kurdan biqedîna la qirkerdişan ra dima elewî û kurdî zêdîyayî.”

Dogane bale ante ser ke destekê muxalefetî yê bi elewîyan qîm nêkeno û vat: “Prosesê muhakemekerdişî seba mexdûranê erdlerzî vurîyayo bîyo dejêko diyin. Bi serran o ma seba ke faîlî ceza bigêrê têkoşîn kenê. Ma sey elewîyan komelêko têna yo. Partîyê sîyasî û beşê komelî yê bînî nêzdîbîyayîşê bi ma de kêm manenê.”