Di nava 10 rojên borî de dewleta tirk li sînorê parêzgeha Silêmaniyê 4 wesayîtên welatiyan bi balefirên bê mirov û bi çek bombebaran kir û di encamê de şehîd û birîndar çêbûn.

Endamê Rêveberiya Yektitiya Nîştîmaniya Kurdistanê (YNK) Ebuzêd Salih di merasîma spartina axê ya hevjîna serokkomarê berê yê Iraqê Dr. Fuad Mesûm de, li ser êriş û bombebaranên dewleta tirk ên li ser herêmên cuda yên Herêma Kurdistanê axivî. Ebuzêd Salih wiha got: “Ev êrişane tiştek ecêbin û wek xiyanetek li dijî gel dibînin. Ev êrişên Tirkiyeyê nayên qebûlkirin û divê bi rêya guftûgoyan hewl bidin rawestînin.”