Di daxuyaniyê de ewilî Hevseroka Partiya Wekhevî û Demokrasiyê ya Gelan (DEM Partî) ya Amedê Gulşen Ozer axivî. Gulşen Ozer da zanîn ku êrişa li dijî jinan beriya sê rojan li Taxa Dabanoglû ya navçeya Sûrê pêk hatiye û wiha got: “Hinek kesên ku bi mejiyê DAIŞê tevdigerin hevalên jin derb kirin. Hafizaya Sûrê xurt e bi salan e bi dehan şaristanî û milet bi hev re dijîn lê kes tev li jiyana kesê nabin. Lê niha 10-15 mêr êrişî sê jinan dikin ev di kîjan ol û bîrdoziyê de heye? Tu mirov nikarin tev li jiyana yeke/î din bibin. Her mirovekî maf heye ku li welatê lê dijî bi awayekî azad bijî. Bila kes notirvaniya exlaqê neke bila kes welatê paqij qirêj neke. Bila mejiyê xwe yê qirêj paqij bikin. Em weke TJA vê zilmê û vê exlaqê qirêj qebûl nakin. Kesên dixwazin bila xwe paqij bikin. Em ji wan bêtir oldar in ol ola me ye jî. Bila vî exlaq û mejiyê qirêj di nava vî bajarî de nexin dewrê.”