Parlamenterê Partiya Çepên Kesk ê Amedê Cengîz Çandar der barê êrişa parazvanên Şaredarê Tetwanê yê AKP’î Mehmet Emîn Geylanî ya li dijî rojnameger Sînan Aygul de ji bo cîgirê Serokkomarî Cevdet Yilmaz û Wezîrê Karên Hundir Alî Yerlîkaya bi bersivîne du pêşniyazpirsên cuda pêşkeşî meclisê kirin.
Di ketina pêşniyazpirsan de hate bibîrxistin ku rojnameger Sînan Aygulê bi îdiayên nelirêtiyên têkildarî neguhezbarên Şaredariya Tetwanê yê AKP’î de aniye rojevê di 17’ê hezîranê de ji aliyê parazvanê fermî yê Şaredarê Tetwanê Mehmet Emîn Geylanî ku polîs e û peywîrdarê şaredariyê ve êriş lê hatiye kirin.
Di pêşniyazpirsan de hate diyarkirin ku dîmenên aîdî êrîşê bi riya çapemeniyê gihişt raya giştî û wiha hate gotin: “Wêneyên rewşa Sînan Aygulê piştî êrişê rakirin nexweşxaneyê asta tundiyê nîşan dide. Êrişa li dijî Sînan Aygul, li derveyî welat jî deng vedaye û kir ku li Tirkiyeyê jî nîqaşên li ser azadiya çapemeniyê û ewlehiya rojnamegeran bidome.”
Li dijî rojnamegeran êrîş
Çandar ev pirs ji Yilmaz û Yerlîkaya pirsîn:
“* Haya we jê heye ku Tirkiye di Endeksa Azadiya Çapemeniyê ya Cîhanê de di dora çendan de cih digire?
* Niyet û planeke we heye ku ji bo bidawîkirina êrişên li dijî rojnameeran û garantîrkirina azadiya çapemeniyê gavên bi bandor biavêjin?
* Ji bo li dijî atmosfera nefretê û çanda bêcezahiştinê ya ku rojnamegeran li dijî tundiyê bê parastin dihêle, hûn ê polîtîkayên berfireh û biryardar derxin pêş?
Lêkolîna nelirêtiyan
* Ji bo dawî li kiryarên tundiyê yên hêzên ewlehiyê yên li dijî xebatkarên çapemeniyê û weqayên bêcezatiyê yên di vê mijarê de bi dawî bibin hûn ê çi bikin?
* Hûn difikirin ku der barê Şaredarê Tetwanê ku tê texmînkirin êrîşa li dijî Sînan Aygul wî bi parazvanan daye kirin lêpirsînê bidin destpêkirin?
* Hûn ê der barê îdiayên nelirêtiyên esasî yên li Şaredariya Tetwanê de lêpirsîna pêwîst bidin destpêkirin?”
