Ligel ku Dadgeha Makeqanûnê biryara ‘binpêkirinê’ daye jî çalakiya Dayikên Şemiyê 24 hefte ne, tê astengkirin. Li gelek bajaran astengkirina Dadgeha Makeqanûnê hate protestokirin.
Komeleya Mafên Mirovan (ÎHD) Şaxa Edeneyê bi armanca piştgirîdayîna berxwedana Dayikên Şemiyê li ber avahiya komeleyê daxuyaniyek da çapemeniyê.
Li bajarên Mêrsîn, Wan, Riha, Îzmîr û Şirnexê Partiya Çepên Kesk, rêxistinên hiqûqê û sendîkayan berxwedana Dayikên Şemiyê silav kirin û êrîşên li ser Dayikên Şemiyê jî protesto kirin.
