MÎT′ê û çeteyan li kantona Efrînê 4 welatî revandin û birin cihekî nediyar.
Li gorî nûçeya Ajansa Hawarê (ANHA) ku agahî ji çavkaniyên xwecih girtine, teşkîlata îstîxbarata neteweyî ya tirk (MÎT) li gundê Badîna yê Raco kesên bi navên Hemîd Hemîd Kênco û Seîd Ebdo Osman revandin û birin cihekî nediyar. Li bajarê Efrînê jî, çeteyên “Polîsên Leşkerî” di 31′ê tîrmehê de Kemal Mihyedîn (22) ê ji gundê Çolaqa yê Cindirêsê û Omer Elî (25) ê ji gundê Maratê yê Efrînê revandin. Çavkaniyan da zanîn ku çeteyên “Polîsên Leşkerî” ji bo serbestberdanê 700 dolar ji malbatên wan xwestiye.
