Malbata Şenyaşar li ber Edliyeya Rihayê çalakiya xwe ya nobeta “edaletê” didomînin. Dayik Emîne Şenyaşar û Ferît Şenyaşar 84 roj in li ber deriyê edliyeyê daxwaza edaletê dikin. Malbat dixwaze ku berpirsiyarên ku bav Hecî Esvet Şenyaşar û du kurên wî kuştin bên darizandin.

Malbatê di roja 84’emîn de li ser hesabê xwe yê medyaya dijîtal karîkatureke bi temaya ‘edaletê’ parve kir û wiha got: “Em di roja 84’an de li ber deriyê edliyeyê ne û dipirsin. Li Nexweşxaneya Dewletê ya Pirsûsê kî 3 mirovên me kuştin? Heya edalet pêk neyê em ê li vir bipirsin. Em ê BÊDENG NEMÎNIN…”