Goreyê Rêxistina Heqanê Merdiman a Efrînî-Sûrîye dewleta tirke aşma verêne Efrîn de domanêk qetil kerd û 4ê ci cinîyî tewr tay 53 kesî remnayî.
Rêxistine da zanayene ke dewleta tirke û cerganê ci (Cebhet El Şam û cergê Emşatî) menga gulane de Efrîn de domanêk qetil kerdo û 4ê ci cinîyî tewr tay 53 kesî remnayê.
Dewleta tirke û cergê ci bi hawayêkê sîstematîkî Efrîn de sivîlan kişenê û remnenê. Seba ke rehîneyanê efrînijan vera bidê keyeyanê înan rê fîdye wazenê û bi rojan nê kesan rê îşkence kenê.
Dewleta tirke û cerganê ci îşxalê Efrînî (18ê adara 2018î) ra nata tewr tay 900 zeytûnêrî birnayî. Nê zeytûnêrî şaristananê bînan de roşîyenê.
Dewleta tirke kena ke demografîyê Efrînî bivurna, coka kesanê xerîban ê sey filîstînijan û keyeyanê cergan Efrîn de cakena.
