Piştî ku li Tirkiye û Kurdistanê matbaayan rojnameya Welat çap nekirin, xebatkarên rojnameyê dest bi derxistina e-rojnameyê kirin.
Rojnameya dîjîtal a yekemîn a bi kurdî, e-rojnameyê di 25’ê gulana 2018’an de, bi manşeta ‘Kurdî sînoran nas nake’ dest bi weşana xwe kir. Rojnameyê her roj bi 6 rûpelan PDF’ê xwe gihand xwînerên kurdî. Di rojnameyê de rûpelên wek; jin, polîtîka, cîhan, kirmanckî û çandê hatin amadekirin. Piştî demekê tenê rûpela yekemîn hat amadekirin.
Kedkarên e-rojnameyê ragihandin ku wan weşana xwe bi dawî kiriye. Her wiha diyar kirin ku dê xebatên xwe yên rojnamegeriya kurdî bidomînin.
