Li gorî rojnameya Kathimerini ya Yewnanistanê, piştî ku Erdogan ragihand ku welatê wî niyet dike beşekî din ji moşekên pergala parastina hewayî S-400’ê ji Rûsyayê bikire. Têkildarî vê mijarê Washingtonê hişyarî da ku ev gav wê bibe sedema ferzkirina cezayên nû li ser Enqereyê.
Berdevkê Wezareta Karên Derve yê Amerîkayê ji kenaleke Yewnanistanê re wiha got: “Em ji Tirkiyeyê re zelal dibêjin, kirîna çekên nû yên Rûsyayê dê bihêle ku cezayên CAATSA (qanûna têkoşîna li dijî dijberên Amerîkayê 2017) bên ferzkirin.”
Rayedarên amerîkî bang li Tirkiyeyê kirin ku moşekên S-400 li cem xwe nehêle û pêdiviyên leşkerî yên din ji Rûsyayê nekire.
