Di çarçoveya lêpirsîna kuji aliyê Serdozgeriya Komarê ya Amedê ve hatibû destpêkirin de polîsan di 8’ê hezîranê de bi ser mal û cihê kar ê rojnamegeran de girtibû 22 kesan binçav kiribû. Piştre ji van 22 kesan 16 jê hatibûn girtin. Serdozgeriya Komarê ya Amedê, lêpirsîna der barê 22 kesên ku 20 jê rojnameger in de temam kir û bi angaşta “endamtiya rêxistina terorê” dozname amade kir.
Serdozgeriya Komarê ya Amedê, doznameya xwe ji 4’emîn Dadgeha Cezayê Giran a Amedê re şand. 4’emîn Dadgeha Cezayê Giran a Amedê piştî lêkolîna doznameyê dê di nava 15 rojan de biryarê bide bê ka doznameyê qebûl dike yan na. Bi qebûlkirina doznameyê re dê pêvajoya darizandinê dest pê bike.
Rojnamegerên niha girtî ne
Navê rojnamegerên ku di 16’ê Hezîrana 2022’an de bi ser mal û cihê wan ê kar de hatibû girtin û hatibûn girtin wiha ne: Hevserokê Komeleya Rojnamegerên Dîcle Firatê (DFG) Serdar Altan, Edîtorê Ajansa Mezopotamyayê (MA) Azîz Oruç, Gerînendeyê Giştî yê Rojnameya Xwebûn Mehmet Alî Ertaş, Edîtorê JINNEWS’ê hatin binçavkirin. Serok Safiye Alagaş û rojnameger Zeynel Abidîn Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ûngûr, Abdurrahman Oncu, Suat Doguhan, Remziye Temel, Ramazan Late, Lezgîn Akdenîz, Mehmet Şahîn Akdenîz.
