Rojnameger Nurcan Yalçin, li dadgehê bi şertê kontrola edlî serbest hat berdan.
Rojnameger Nurcan Yalçin ku di 4’ê sibatê de hatibû binçavkirin, piştî duh li Şaxa TEM’ê ya Midûriyeta Polîsan a Amedê îfade da, îro sewqî dadgehê kirin. Yalçin, piştî îfade da dozger; dozger jî bi daxwaza girtinê ew sewqî Dadgeha Cezayê Sulhê kir. Dadgehê jî piştî li îfadeya Yalçin guhdar kir, bi şertê kontrola edlî serbest berda.
Yalçin, ji aliyê Hevserokê Komeleya Rojnamegeran a Dîcle Firatê Serdar Altan û hempîşeyên xwe yên rojnameger ve hat peşwazîkirin.
Rojnameger Yalçin, bi sucdariya nûçe û hevpeyvinên ku di sala 2015’an de dema li navçeya Sûrê qedexe hatibûn îlankirin çêkirine tê tawanbarkirin.
