Çalakîkeranê Rayraşîyayîşê Dergî vizêr roja hîrêyîne de Merkezê Komelê Demokratîkî yê Kurdan ê Dortmundî de bi merasîmêkî şehîdê têkoşînê azadîye yad kerdî.
Endama TÊKO-JINî Şîlan Pelşîne tîya de qisey kerd û ard ziwan ke şehîdan rayîro raşt akerd û Rayraşîyayîşo Derg mîrasê şehîdanê azadîye yo.
Dima dadîya şehîdî Ayten Sungere pare kerd ke ê soz danê şehîdan ke xeyalanê înan bîyarê ca. Babîyê şehîdî Xoşnav Atayî îfade kerd ke seba ke qesasê şehîdan bigêrê ê do têkoşînî aver berê.
Hozan Comerdo ke babîyê di şehîdan o, dîyar kerd ke rayraşîyayîşê şehîdan rayraşîyayîşê azadîye û raştîye yo.
Qiseykerdişan ra dima derheqê ercnayîşanê Serekê PKKyî Abdullah Ocalanî de sînevîzyonêk ame mojnayene.
Yadkerdiş bi deyîra “Ez şehîd im” a Hozan Comêrdî qedîya.
