Vervatoxa HEDEPî Ayşegule Dogan ard ziwan ke meyl est o ke seba her şaredarîye HEDEP namzetanê xo bimojno û ê do bira ney Meclîsê Partîye de bidê.

Qiseykerdişê Dogane ra tay noqtayê girîngî wina yê:

“Kombîyayîşanê şarî de babeta ma ya sereke weçînayîşê herêmîyî bîyî. Kombîyayîşê MYKyî zî dewam keno. MYK do çarçewa waştişanê şarê ma de biranê xo bigêro. Seke Hemserekê ma Bakirhanî Colemêrg de vatbî şarê ma tim waşt ke ma bi namzetanê xo debikewê weçînayîşan. Meylêko winayên o cidî est o ke ma bi namzetanê xo her şaredarîye de bikewê weçînayîşan. MYK do nê meylî biercno.

Muracatê seba namzetîye do heta 10ê kanûne dewam bikerê. Ma şaristanan de komîsyonan awan kenê. Amadekarîyê ma temam ê. Stratejîya ma ya weçînayîşan serkewtiş o. Ma do prosesê nê weçînayîşan de bi dîyalogan û pêkerdişê şarî têbigêrê. Ma do şarê xo de mutabeqatê qetîtî bikerê. Ma bi kelecan û qerardar ê. Ma wina amadekarîye kenê ke her cayê Tirkîya û Kurdistanî de bi namzetanê xo debikewê weçînayîşan. Êyê ke wazenê rejîmê qeyûman mende bikerê wa bizanê ke şarê ma weçînayîşan de cewabê tewr raştî bidê înan.”