Dadgeha Mafên Mirovan a Ewropayê (DMME) biryar da ku Tirkiyeyê di girtina Aysel Tugluk a ku ji ber Hevseroka Kongreya Civakên Demokratîk (KCD) bû hat giritn, xalên 5/1, 5/3, 10 û 18 yên AÎHSyê binpê kiriye. Dadgehê diyar kir ku girtina Aysel Tugluk li ser “gumanek maqûl” nehatiye avakirin. Biryar da ku dadgehên herêmî li ser bingeha sedemên abstrakt ên wekî “cewherê sûc”, “rewşa delîlan” û “metirsiya revê” bêyî ku nirxandinek kesane bikin, fermanên girtinê derxistine.
Her çend hate gotin ku axaftin û çalakiyên Aysel Tugluk di çarçoveya Kongreya Civaka Demokratîk (DTK) de divê di çarçoveya azadiya ramanê de li gorî xala 10emîn a AÎHSê werin nirxandin jî, DMMEyê destnîşan kir ku girtina wê ya 15 mehan ji ber van axaftinan binpêkirinek eşkere ya azadiya ramanê ye. Dadgehê dît ku girtina Aysel Tugluk armanca veşartî ya “tepeserkirina muxalefeta siyasî û sînordarkirina pirrengiya demokratîk” ku xala 18emîn a AÎHSê binpê dike. DMMEyê biryar da ku îstismarkirina di dema rewşa awarte (OHAL) de nikare van binpêkirinan rewa bike.
Gilînameya ji bo gihîştina dosyayê (5/4) ji ber nebûna delîlên berbiçav nehat qebûlkirin. DMMEyê 16,000 € ji bo tazmînata manewî û 1,500 € ji bo lêçûnên dadgehê ji bo ku ji Aysel Tugluk re bê dayîn biryar da. Dadgehê her wiha bi bîr xist ku cezayê 10 sal girtîgehê yê Aysel Tugluk ji ber “endamtiya rêxistinê” di sala 2018an de li ser îtîrazê hatibû birîn û tekez kir ku girtina wê ji bo armancên siyasî û tepeserkirina nîqaşa demokratîk pêk hatiye.
Hevberdevka Kongreya Demokratîk a Gelan (HDK) Meral Daniş Beştaş, li ser hesabê xwe yê medyaya dîjîtal der barê binpêkirinê de ev daxuyanî parve kir: “Biryara Aysel Tugluk ne tenê biryarek adîl ji bo kesekê/î ye; ew biryarek adîl ji bo her kesê ku ji ber raman, nasname û gotinên xwe hatiye cezakirin e.” Lêbelê, vê biryarê salên ku ji jiyana Aysel Tugluk hatine dizîn, tenduristiya ku wê winda kiriye û gelek tiştên din jî bi bîr xistiye! Wê zirara kûr a ku edaleta derengmayî dikare li ser mirovekî bide eşkere kiriye! Ji bo ku edalet pêk were, çend binpêkirinên din hewce ne? An jî divê ku çend jiyan werin tunekirin! Aysel Tugluk bûye sembola pirsgirêka kurd, cudakarî û bêqanûniyê li vî welatî!”
