Piştî civîna dawî ya Viyanayê ya ji bo vegera li peymana nukleerî ya bi Îranê re bê encam ma; aliyên diyalogê daxuyanî dan. Der barê mijarê de Wezarê Karên Derve yê Îranê diyar kir ku peymana baş ew e ku alî li peymana berê ya sala 2015’an vegerin û ambargoyên li ser Îranê werin rakirin.
Ji aliyekî din ve dîplomatên ewropî jî yên (Fransa, Ingilîstan û Almanyayê) daxuyaniyeke hevbeş weşandin. Di daxuyaniya dîplomatên Ewropayê de, der barê diyaloga bi Îranê re wiha tê gotin: “Heta niha em nikaribûn derbasî diyalogeke rasteqîn bibin. Heke pêşketinek di vê diyalogê de çênebe dê bernameya nukleera Îranê gelekî bipêş bikeve û ev peyman bê wate bimîne”
Wekî tê zanîn di sala 2018’an de serokê Amerîkayê Donald Trump DYA ji peymana nukleerî ya bi Îranê re vekişandibû. Gelek dane û ambargo li ser wê ferz kiribûn, lewre Îranê jî êdî li gorî wê peymanê nema tevgeriya bû û dîsa lez dabû xebatên xwe yên pêşxistina bernameya nukleerî.
