Babek li ser baweriya Huremiyê ye. Lewma jê re Babekê Xoramî hatiye gotin. Tu cudahî di navbera Xorem, Xoram û Hurem de tune ye. Tenê di warê bilêvkirinê de cudahiyek biçûk xuya dike. Her wiha di warê fonetîkî de jî heman e. Xoramî jî ji Xoram an jî Hurem tê. Hurem keça Mazdekê avakarê baweriya Mazdekî ye. Piştî ku Mazdek bi komloyeke Sasaniyan tê qetilkirin keça wî Hurem baweriyek nû ya dualîstî pêş dixe. Wekî baweriya Huremî berbelav dibe. Huremîtî bawerî bi wekhevîtiyê tîne, li dijî koledarî û xirabiyê têdikoşe. Li dijî dagirker, talanker û serdestiyê ye. Ji ber vê yekê ye jî ji aliyê hin nivîskar û rewşembîrên vê serdemê ve wekî “Şoreşger an jî sosyalîstên wê demê” tên pênasekirın Mirov dikare bêje Babekê Xoramî jî navê xwe ji baweriya Huremî yanî Xoramî girtiye.