Di serdema hikûmeta AKP’ê de di qada madenê de gelek komkujî pêk hatin. Di van komkujiyan de herî kêm Hezar û 890 karker bûn qurbana karê madenê. Li gorî daneyên Meclîsa ÎSÎG’ê li navçeya Soma ya Manîsayê 301 karker, li Karadonê 30 karker, li Kureyê 19 karker, li Mustafakemalpaşayê 19 karker, li Ermenekê 18 karker, li Gedizê 18 karker, li Dursunbeyê 17 karker, li Şîrwanê 16 karker, li Çollolarê 11, li Aşkaleyê 8 û li Kozluyê jî 8 karker bi komî hatin qetilkirin. Ji xeynî van komkujiyan, di serdema AKP’ê de herî kêm  Hezar û 890 karkerên madenê bûn qurbana kar. Sal bi sal karkerên ku di kanên madenê de bûn qurbana kar wiha ne. “Di sala 2002’an de 11 karker, di sala 2003’an de 81 karker, di sala 2004’an de 68 karker, di sala 2005’an de 121 karker, di sala 2006’an de 80 karker, di sala 2007’an de 77 karker, di sala 2008’an de 66 karker, di sala 2009’an de 92 karker, di sala 2010’î de 125 karker, di sala 2011’ê de 117 karker, di sala 2012’an de 81 karker, di sala 2013’an de 93 karker, di sala 2014’an de 386 karker, di sala 2015’an de 67 karker, di sala 2016’an de 74 karker, di sala 2017’an de 93 karker, di sala 2018’an de 63 karker, di sala 2019’an de 66 karker, di sala 2020’î de 61 karker, di sala 2021’ê  de herî kêm 68 karker bi giştî Hezar û 890 karkerên madenê bûn qurbana kar.