Rojnameger Nazîla Maroofian ku ji ber hevpeyvîna bi bavê Jîna Emînî ya ji aliyê rejîma Îranê ve hate qetilkirin re kiriye heta niha 4 caran hatiye girtin û salek cezayê hefsê û 15 milyon tumen cezayê pere lê hate birîn. Maroofian bi rêya parêzerê xwe ji Girtîgeha Evînê peyameke bideng şand.
Maroofian, di peyama şand de cih da van gotinan: “Ez gelek ji we hemûyan hez dikim. Ez ji hemû gelê Îranê re minettar im. Ev çalakiya min a grevê ji bo hemû jinên di girtîgehan û qereqolan de rastî tundiya zayendî û fîzîkî tên e. Ev grev ji bo wan e. Di rewşa herî nebaş de di bin çavan de êrîşa zayendî li min hate kirin. Ev grev ji bo min û hemû jinên li Îranê di şertên herî xerab de dijîne.”
Rojnamevan Maroofian ku li girtîgehê ji aliyê hêzên rejîmê ve hate derbkirin. Der barê peywîrdarên Maroofian derbkirin de tu kirarî nehatin kirin û li ser vê Maroofian di 1’ê îlonê de dest bi çalakiya greva birçîbûnê kir û grêva xwe hê jî didomîne.
