Dewleta tirke erd û hewayî ra hêrişê herêma Zapî kena. Warê Şikefta Birîndara, Kurojaro û Çiyayê Reşî dîyayî bombayan ver.

Artêşa tirke vera waranê Şikefta Birîndara, Kurojaro û Çiyayê Reşî hêriş destpêkerd. Vera nê waran hêrişo giran kena ke pê helîkopteran hêzanê xo tîya ca bikero. Hêrişê vera Zapî hetê xeta Vakurî ra nê Başûrî yenê kerdene. Teyareyî xeta Bamernê-Amedîye ra wirzenê û serê Şêladizê ra hêrişê herêma Zapî kenê.

14ê nîsane ra nata warê Zap, Metîna û Avaşînî hetê artêşa tirke ra pê teyarayanê şerî û obusan dîyenî bombayan ver. Têgêrayîşê hewayî yê artêşa tirke herême de dewam keno. Vera Zapî bombarduman dewam keno.

Seke yeno zanayene gama ke dewleta tirke 10ê sibate 2021î hêrişê Garê ke leşkerê xo yê esîrî zî kiştibî de zî na xete ra hêriş amebî kerdene.