Vera xozaya Kurdistanî hêrişê dewleta tirke dewam kenê. Nika zî Bedlîs de bi seyan darê fêkî birîyayî.

Hezanê dewleta tirke dewa Xûlepûrî ya qezaya Xîzanî ya Bedlîsî de bi desan darê fêkî qir kerdî.

Qezaya Xîzanî ya Bedlîsî de des dewan û mezrayanê ci de 2ê temmuze de hetê dewleta tirke ra qedexeyê tebervejîyayîşî ame îlankerdene û panc rojî dewam kerd. Nê demî de zirar dîya erazîya şarî û bi desan darî pê kepçeyan kokê ci ra ameyî raqilnayene.

Dewa Xûlepûrî ra Mehmet Saki Altunî vat bi seyan darê ci yê fêkî ameyî birnayene.

Altunî vat “wextê qedexeyî de bi desan makîneyê karî ardî dewe. Verî eşt keyeyanê ma ser, dima pê kepçeyan kewtî erazîyanê ma. Bi seyan findiqêre, gozêre û sayêrê ma talan kerdî. Nê leyî çimeyê debarê ma yê. Wazenê zirar bidê ma û xoza.”