Yewşemeyî ra nata dezgehê xizmetî yê Rojawanî bi destê dewleta tirke dîyenê bombayan ver. Dinya zî bêveng a.
Dewleta tirke dima ke Herêmanê Pawitişî yê Medya de verê gerîlayan de bin kewte hêrişê Rojawanî kerd. Roja yewşemeyî ra nata dezgehanê xizmetî yê Rojawanî dana bombayan ver.
Dewleta tirkan hêverî Eyn Îsa, Kobanê, Dirbêsîyê û Kantonê Cizîre dayî bombayan ver.
Dewleta tirke hêrişê îstasyonê ceyranî yê Eyn Îsayî, noqtaya asayîşî ya Kobanê û îstasyonê ceyranî yê Kobanê yê bi nameyê Lafarge dayî bombayan ver. Netîceya nê bombardumanan de Kobanê û 30 dewanê dormeyê ci de û Eyn Îsa de ceyran birîya. Yew zî Kobanê de hêrişê depoyêkê genimî û bînaya îtfaîyayan da bombayan ver.
Amûdê de îstasyonê ceyranî, dewa Kotihî û dewa Mekeba, Cizîre û Tirbêsipîyê de santralê ceyranî, bînayê xizmetî, noqtaya asayîşî ya rejîmê Sûrîye dîyayî bombayan ver.
Netîceya hêrişan de Kantonê Cizîre de ceyran bi temamî birîya. Ofîsê Îrtîbat û Enerjî yê Cizîre keyepelê xo de da zanayene ke bombardumanan ra fabrîkayan berardişî vindarnayî.
Verê hêrişanê dewleta tirke de dezgehê mîyanneteweyîyî bêveng ê. Dewleta tirke bi hêrişanê xo sûcanê şerî kena la hema zî vera ci nêrazîbîyayîş nêame mojnayene.
