Di êrîşa hewayî ya dewleta tirk a dijî baregeheke hevbeş a hêzên YAT`ê û hêzên Koalîsyona Navneteweyî ya li bakurê Hesekê de, 2 endamên YAT`ê jiyana xwe ji dest dan, 3 jî birîndar bûn.
Li gorî agahiyên ku hatine bidestxistin, dewleta tirk îro saet di 12:00`an de baregeheke hevbeş a Yekîneyên Antî-Teror (YAT) û hêzên Koalîsyona Navnteweyî ya li bakurê bajarê Hesekê bombebaran kir.
Hêzên ku li baregehê diman operasyonên hevbeş li dijî çeteyên DAIŞ`ê li dar dixistin.
Li gorî agahiyên ajansa ANHA’yê, di êrîşê de 2 endamên YAT`ê şehîd bûne. Her wiha yek jê fermandar, 3 endamên YAT`ê jî birîndar bûne. Hate ragihandin ku rewşa 2 birîndaran giran e.
