Qezaya Bêgirî ya Wanî de rojnameger Oktay Candemîro ke derheqê 6 kesanê tecawuzkeran de xebere viraşte yeno muhakemekerdene.

Domane Y. gerreyê 6 kesan kerd û naye ser o 6 tecawuzkerî ameyî destbendkerdene. La nînan ra 2 kesî bi şertê kontrolê edlîyî vera dîyayî û 4 kesî zî tepişîyayî. Derheqê dosya de bira nimitişî est a.

Rojnameger Candemîrî zî çarçewa dosya de asayîş de îfade da. Asayîş de Candemîrî rê ame perskerdene ke çira xebere amade kerda.

Mîyanê 4 mengan de pêro tecawuzkerî vera dîyayî la derheqê rojnameger Candemîrî de bi îdîaya ‘agahîyê zûrî vila kerdê’ bi îdîanameyê Dozgerîya Wanî ser o dewa ameye akerdene.

Roniştişo verên ê dewaya vera Candemîrî 6ê hezîrana 2023yî de do bêro kerdene.