Dewijê dewa Bana ya ke nêzdîyê di aşman o binê ablûqa de ya bi mergî yenê tehdîtkerdene.

Parlamenteranê Partîya Çep a Keske yê Şirnexî Newroz Uysal Aslane, Mehmet Zekî Irmez û îdarekaranê DBP û HDPyî yê bajarî dewa Bana zîyaret kerd. Leşkeranê tirkan dekewtişê dewe de wesayîtî vindarnayî û nasnameyî kontrol kerdî. Heyet wextê zîyaretî de hetê leşkeran ra ame teqîpkerdene.

Dewijan vat: “Di aşmî yo dekewtiş û vejîyayîşê dewe binê kontrolî de yê. Mabênê saetanê 10.00 û 16.00an de ma nasnameyanê xo teslîmê leşkeran kenê û wina şinê bexçeyanê xo awe danê. Nika qedexeyê 15 rojan ame îlankerdene. Çerênayîşê heywananê ma rê zî destûr nêdanê. Ma mecbur mendê heywanê xo şawitê dewanê cîranan. Ma riz ramito ganî tim bêro awedayene. Eke awe medîyo beno wişk û keda ma do veng ra şiro. Wendakarê ma nêeşkenê şirê mekteb. Servîsê mektebî ameyî vindarnayene. Verî zî dewa ma vêşnaye la ma dewa xo canêverdaye. Hêna bikerî zî ma do cameverdê. Bi serran o ma bi nê caardişan rî bi rî yê. Kam ke goreyê qedexeyî tênêgêro bi mergî yeno tehdîtkerdene. Eke mêşnayêka ma bibo vîndî, ma nêeşkenê şirê bigêrê ci. Eke sînorê ke xez kerdî ma nînan biverê, ma bi mergî tehdît kenê.”