Dêrsim de hetê Unîversîteya Adnan Menderesî ra dormeyê Parka Çimeyê Munzûrî û dormeyê Koyê Azîzabdalî de tewirêk newe ê nebatê endemîkî ame kifşkerdene. Netîceyê cigêrayîşanê 5 serran de ame tespîtkerdene ke na nebate mîyanê keyeyê nebatanê pîyazî de ya û newe ameya kifşkerdene. Nebata ke ameye kifşkerdene kovara mîyanneteweyî ya bi nameyê ‘Phytotaxa’ ameye weşanayene.
Goreyê xeberanê ke unîversîte daye Dêrsim de mabeê serranê 2014-2020î de nizdîyê 2 hezar tewirê nebatan ê xerîbî ameyî tespîtkerdene û înan ra 5 ra yew nebatê endemîkî yo.
Semedo ke na nebate dormeyê Koyê Azîzabdalî de ameye vînayene nameyê aye zî kerdî ‘Pîyazê Azîzabdal’. Nameyê nebate ê zanistî ‘Allium’ yo.
