Dewanê elewîyan Muxundî, Germisî û Faracî yê qezaya Mazgêrdî yê Dêrsimî de rixmê hende nêrazîbîyayîşan hema zî ezan veng dano

Walîyê Dêrsimî Mehmet Alî Ozkanî dewê Muxundî, Germisî û Faracî yê qezaya Mazgêrdî zîyaret kerdbi û nê zîyaretî ra dima qereqolan ra vengdayîşê ezanî dest pêkerdbi.

Sere de dewijan xeylêk rêxistinanê elewî û dêrsimijan, dezgeh û sazgehan vera nê kerdişî nêrazîbîyayîşê xo mojnabi û rewşe sey ‘dewamê polîtîkaya asîmîlasyonî û înkarî ya vera Dêrsimî’ ercnabi.

Goreyê zanayîşanê peyênanê ke dewijan ra ameyê girewtene dewanê Muxundî, Germisî û Faracî yê qezaya Mazgêrdî rixmê hende nêrazîbîyayîşan hema zî ezan veng dano.

Wekîlê Partîya Demokratîke ya Şaran (HDP) yê Dêrsimî Alîcan Onluyî zî pê vernîyazêkê persî babete berdbi Meclîs û Wezaretê Karanê Zereyî ra pers kerdbi ke çira dewanê elewîyan de ezan yeno wendene. DÊRSIM