Awbendê Uzunçayirî yê Dêrsimî de cenazaya ciwanê bi nameyê Cengîz Dayanî ameye dîyene.
Vizêr vera şan Awbendê Uzunçayirî yê Dêrsimî de cenazaya ciwanê bi nameyê Cengîz Dayanî (27) ameye dîyene.
Embazanê Dayanî seba ke tira xebere nêgirewte veng da AFAD û MUDAKî. Ekîpan wesayîto ke Dayanî kîra kerdbi kişta awbendî de dî. Xebatan ra dima cenazaya Dayanî ameye dîyene. Cenaza wedarîyaye morgê Nêweşxaneyê Dewlete yê Dêrsimî.
Ame îdîakerdene ke Dayanî xo kişto. Dayanî hesabanê xo yê medyaya dîjîtale de zî no çi vila kerdo: ”Ez bi diladergî xo îfade nêkena. Ez şima ra zaf hes kena. Ez yewdo xirab nîya. Ez şikefteyê xo ra vejîya û pê cuye nêeşkaya. Dinyaya bîne de ma yewbînan bivînê.” DÊRSIM
