Têgêrayîşê Sorişê Yewbîyayeyî yê Şaran(HBDH) Denîz Gezmîş û embazê ci yad kerdî û vat: “Têkoşînê înan têkoşînê yewbîyaye yê şaranê Tirkîya û Kurdistanî aver berd.”

HBDHyî serrgêra îdamê Denîz Gezmîş, Yusuf Aslan û Huseyîn Înan de eşkerayîyêka nuştekîye daye.

Eşkerayîye de ame vatene ke Gezmîş, Aslan û Înan tim bi qerardarî têgêrayî û merg girewt verê çimanê xo. HBDHyî vat: ”Roja destpêke ra heta roja peynîye înan alaya şorişî nêeşte erde. Meşaleya înan rayîrê ma roşnî, zerrîya ma germ kerde. Ê ciwîyayî û do biciwîyê. Têkoşînê înan têkoşîno yewbîyaye yê şaranê Tirkîya û Kurdistanî aver berd. Kurdistan û Tirkîya de şerêk est o. Mabênê serdest û bindestan de şerêko pîl est o. Nê şerî de ma zî şorişgêrê yewbîyayeyî zî estê. Gerîllayî her roje faşîzmî çin kenê. Milîsî her roje şinê cepheyê şerî. Embaz û hemrayê Denîz, Mahîr, Îbrahîm û Mazluman estê. HBDH est o. Ma venga pêro ciwanan danê ke mîyanê cepheyê şorişgêran de ca bigêrê. Serrgêra 50. ya şehadetê înan de ma embaz Gezmîş, Înan û Aslanî bi rêz û hûrmetî yad kenê û sozê xo dibare kenê ke ma do rayraşîyayîşê xo yê ver bi serfîrazîye sey ewro bi qerardarî dewam bikerê.”